Што прави акумулирање на минати правци. Прави како и секогаш еден доста интересен склоп на музика. Како и самата Америка што е склоп на повеќе култури веќе сплотени во една сојузничка сила. Музиката го покажува истото, кога ќе се земат влијанија од британската сцена како Морисеј, Битлси, Кукс а сепак бендот да живее и твори денес во Лос Анџелес и плус на сето тоа ги додадеме и американските влијанија од тоа па и од поодминато време убаво измешаме добиваме бенд што свири алтернативен американски Бритпоп, бенд што се вика The Idyllists. Петчлениот состав кој Sunny страната на California неможел подобро да ја претстави.

photo © cover

Албумот наречен по нив самите, го издадоа преку Myspace и го нудат бесплатно за симнување токму од оваа социјална мрежа. Можеби не толку инвентивни и експериментални како што би очекувале денес по сите случувања во последнава декада. Наместо тоа нивниот звук носи ведрина и свежина со секој изминат момент во ова 38 минутно флешбековско музицирање. Во град познат по гангстерските активности и таа мрачна и препукувачка рап музика на предградијата. Ова парче музика е Мала Британија во Америка баш во духот на едно минато време. На прагот сме на нова декада а бендови како The Idyllists и уште неколку други сеуште не навраќаат на едно време и не учат дека музиката како и уметноста нема стриктни временски граници и дека фино склопена музика може и те како да биде безвременска. Со пиано звуци како што би ни отсвирел Jerry Lee Lewis протпратени со лесни акорди и фин ритам The Idyllists нудат буквално бесплатно враќање во музичкото минато.


Официјална Страна

Facebook Страна

Оцена: 6.5/10

Артист: The Idyllists
Албум:The Idyllists
Датум на објава: 9 Фебруари 2010
Издавач:Talking Bird

Tracklist:
1. Honey Please (Say Goodbye For Me)
2. Empire State
3. Sweet Loretta
4. Let's Fly Away
5. The Dreamers
6. Pacific Coast Highway Blues
7. Come On Home
8. Crowded Room
9. Butterflies
10. Lovers & Fighters
11. Hello 4th Street